ສປ ຈີນ ຂະຫຍາຍການຜະລິດໄຟຟ້າພະລັງງານໃໝ່ ເພີ່ມຂຶ້ນລື່ນການຜະລິດແບບໃຊ້ຖ່ານຫີນ
ສຳນັກຂ່າວສານຊິນຮວາ ລາຍງານເມື່ອບໍ່ດົນຜ່ານມາວ່າ: ກອງປະຊຸມວິເຄາະ ແລະ ຄາດຄະເນສະພາບເສດຖະກິດ ແລະ ການ
ພັດທະນາພະລັງງານໄຟຟ້າປີ 2024, ສະມາຄົມວິສາຫະກິດໄຟຟ້າຈີນຄາດຄະເນວ່າ ປີ 2024 ກຳລັງຕິດຕັ້ງເຄື່ອງຈັກຜະລິດໄຟຟ້າ
ທີ່ເປີດນຳໃຊ້ໃໝ່ຈະລື່ນກາຍ 300 ລ້ານ ກິໂລວັດ.
ຮອດທ້າຍປີ 2024 ກຳລັງຕິດຕັ້ງເຄື່ອງຈັກຜະລິດໄຟຟ້າດ້ວຍພະລັງງານໃໝ່ຈະມີເຖິງປະມານ 1,3 ຕື້ກິໂລວັດ, ເຊິ່ງຈະລື່ນກາຍ
ກຳລັງຕິດຕັ້ງຂອງເຄື່ອງຈັກຜະລິດໄຟຟ້າດ້ວຍຖ່ານຫີນເປັນຄັ້ງທຳອິດ, ກວມເອົາຍອດປະລິມານກຳລັງຕິດຕັ້ງໄຟຟ້າເພີ່ມຂຶ້ນເປັນປະ
ມານ 40%. ໃນປີຜ່ານມາ, ການຫັນໄປສູ່ການພັດທະນາແບບສີຂຽວ ແລະ ກາກບອນຕ່ຳຂອງຈີນໄດ້ເລັ່ງໄວຂຶ້ນ.
ນັບມາຮອດທ້າຍປີ 2023, ຍອດປະລິມານກຳລັງຕິດຕັ້ງເຄື່ອງຈັກຜະລິດໄຟຟ້າທົ່ວປະເທດມີເຖິງ 2,92 ຕື້ກິໂລວັດ, ເພີ່ມຂຶ້ນ
13,9% ເມື່ອທຽບໃສ່ປີ 2022. ກຳລັງຕິດຕັ້ງເຄື່ອງຈັກຜະລິດໄຟຟ້າດ້ວຍພະລັງງານທີ່ບໍ່ແມ່ນປະເພດຟອດຊິວມີເຖິງ 1,57 ຕື້ກິໂລ
ວັດ, ກວມຍອດປະລິມານກຳລັງຕິດຕັ້ງເຄື່ອງຈັກຜະລິດໄຟຟ້າລື່ນກາຍ 50% ເປັນຄັ້ງທຳອິດ ເຊິ່ງມີເຖິງ 53,9%, ເພີ່ມຂຶ້ນ 4,4%
ເມື່ອທຽບໃສ່ປີ 2022.
ແຫຼ່ງທີ່ມາ: ໜັງສືພິມກອງທັບ
ວັນທີ 04/04/2024